‘n Hoë premie word geplaas op die akademie van die skool en onderrig word ondersteun deur die nuutste digitale hulpmiddels. Die skool volg die Departementele leerplan wat verryk en aangevul word om ‘n hoë akademiese standaard te verseker. Die skool beskik ook oor ‘n hele aantal opvoeders met addisionele opleiding in remediërende onderrig, wat verseker dat leeragterstande doeltreffend geïdentifiseer en aangespreek kan word.